gravatar

ඉස්කොලේ යන වයසේ කොලුගැටයාගේ මැජික් !

අද උදෙන්ම නිට්ටඹුවෙන් බැස මා වැඩ කරන වැඩපල වෙතයාමට කිරිඳිවෙල බලා ඉබිගමනින් ඇදෙන බස් රථ දෙසට ඇවිද ගෙන යන්නට විය. මම දන්න විදියට අද දින නිට්ටඹුවට පොළ දවසකි. මම බස් රථය වෙත  පියවර මනින විට මා අසලින් පොඩි එකෙක් පෑන් මිටියක් අතතිව උස් හඩින් මෙසේ කියමින් බස් රථ ගාල දෙසට ඇවිද යන්නට විය.


"පෑනක්  රුපියල් 10යි"
"පෑන් දහයක් එකසිය දහයයි ....එක පෑනත් නොමිලේ..."

මිනිස්සු ඒ ළමයගෙන් පෑන් ගන්න පොරකයි. මා මදක් නැවතී ළමයා දෙස බලාගෙන කල්පනාවේ යෙදෙන්නට විය..ඒ ළමය කියපු මට අමුත්තක් දැනෙන්නට වගේ විය. මදක් කල්පනා කරමින් ඉන්නකොට රුග්ගහවිල සිට පැමිණි බස් රළයක උස් හොන් සද්දෙන් මගේ කල්පනා සාගරය කුණාටුවකට අසුවිය..

"කොහෙද ඕයි යන්නේ ...තමුසෙට....පිස්සුද ? :( "

පාරෙන් ඉවත්වීමට පරක්කු උන නිසාද කොහෙද උදේ පාන්දර බස් එකේ අයියා සාදාචාරාත්මක විදියට අමට අමතන ලදි. ඇත්ත තමා වරද මගේ ...මමයි  පාර මැද කල්පනා කර කර හිටියේ...

පාරෙන් අයිනට වී ආයෙත් අර පෑන් විකුණන පොඩි එකා දෙස මගේ දෑස් යොමුවිය... උගේ වටේට මිනිස්සු රොත්තකි.. හැමෝම වගේ උගෙන් පෑන් මිටියක් අරන් යයි. මම පොඩි කොල්ලගේ කියමන කල්පනා කලේ නිකමට මෙනි.... ශහ්.... මෙකයි මේ සීන් එක...

කොල්ල අපූර්වතම සෙල්ලමක් කර ඇත...

පෑනත් රුපියල් 10 යි නම් පෑන් 10ක් රුපියල් 100කි... ඒකත් හරි...
නමුත් පොඩි එකාගේ කටෙන් පිටවුයේ පෑන් 10ක් 110යි පෑනක් නොමිලේ යනුවෙනි...
පෑන් 1ක් රුපියල් 10 යි නම් පෑන් 11ක් රුපියල් 110කි...

එසේ නම් පෑන් 11ක් ගත්තත් රුපියල් 110කි
එසේත් නැත්නම්  පෑන් 10ක් 110යි පෑනක් නොමිලේ ලැබුනත් එතනත් පෑන් 11යි

ඇත්තටම මේ කොල්ලට කව්රු හරි ඉගැන්නුවද නැත්නම් කොල්ලගේ දැනීමේ තරමින් කල උප්පරවැට්ටියක්ද ?

මිනිස්සු වරෙක පෑන් දෙක තුනක්ද තවත් අයෙක් පෑන් 10ට එකක් හම්බවෙන පෑන් 11 පෑන් මිටියද මිලදී ගනී.

ඉස්කොලේ යන වයසේ වු මේ කොලුගැටයා ඉගෑනීම පැත්තකින් තබා මේ කරන්නේ සමහරවිට තම පවුල වෙනුවෙන් වෙමෙස මහන්සි වීමක් දෝ යන දේ මගේ හිතේ හටගන්නට විය... ඉබේ මගේ මුහුණට නැගුණු සිනාවත් එක්කම මම මගේ කල්පනා ලෝකයෙන් මිදි   මට මගහරුනු බස් රථයට පසු පැමිණි වත් කිරිඳිවෙල බස්යක නැගී වැඩපලා බලා පැමිණියේ මිනිස්සුන්ගේ සිත් පුදුමාකාර නොවේද යන්න සිතමින්...

මොනවා උනත් පවු පොඩි එකා... සමහර විට උට ඉස්සරට ඉගෙන ගෙන දෙස්තර කෙනෙක් සමහර විට ඉන්ජීනේරුවෙක් වගේ වෙන්න හිටිය කොල්ලෙක් විය හැක...නමුත් දෛවයි.....හ්ම්...

මිනිස්සු පුදුමාකරයි...ලොකේ ගොලාකාරයි !

ආපු එකේ මේ ගැන හිතන දේ ලියපල්ලා...ඔබේ වචන මා හද අප් කරයි !